InicioSociedadeAberta a inscrición nos campamentos das Casas de Linguas de Lugo

Aberta a inscrición nos campamentos das Casas de Linguas de Lugo

Desenvolvidas por quincenas, as actividades lúdicas en inglés, francés e alemán ocuparán as mañás de xullo e agosto – A anotación é de balde

PUBLICADA O

- Advertisement -

A concellería de Cultura reedita este verán as actividades coñecidas como summer camp, destinadas á aprendizaxe de linguas para nenos nun ambiente lúdico. A responsable deste departamento do Concello de Lugo, Carmen Basadre, confirmou que as inscricións están xa abertas e haberá de prazo, para quenes queiran inscribir aos raparigos, ata o 29 de xuño. Esta alternativa no período vacacional procura compatibilizar o ensino e o lecer.

Os summer camp son actividades lúdicas de idiomas e manualidades dirixidas a nenos e nenas entre 5 e 9 anos de idade. A súa celebración será entre o 2 de xullo e o 30 de agosto, durante o groso das vacacións escolares, nas Casas de Linguas do Concello. Os centros municipais de Estrada da Granxa e María Balteira albergarán aos máis cativos nun intento de favorecer a conciliación da vida laboral e familiar.

Na Casa das Linguas de Estrada da Granxa, os xogos convivirán con actividades en inglés e alemán os luns e mércores, de 10.30 a 13.30 horas; e obradoiros de manualidades martes e xoves, no mesmo horario. Pola súa banda, en María Balteira serán en inglés e francés martes e xoves, coas manualidades luns e mércores, tamén de 10.30 a 13.30 horas.

As persoas interesadas nestas actividades gratuítas poden realizar a anotación ata o 29 de xuño, de 09:00 a 14:00 horas, nas propias Casas das Linguas. A selección será por orde de inscrición. As actividades desenvolveranse por quincenas, unha primeira do 2 ao 13 de xullo, a segunda do 16 ao 31 de xullo, a terceira do 1 ao 16 de agosto e a cuarta e última do 20 ao 30 de agosto.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...