A web oficial do Concello de Lugo permanece caída debido a un problema eléctrico que afecta ao Casco Vello da cidade, segundo informaron a Lugo Xornal fontes do concello.

A web leva xa caída desde o sábado pola tarde e foi debido a un apagón xeralizado que houbo no casco vello de Lugo por falla de tensión eléctrica. “Non é a primeira vez que acontece“, apuntaron as fontes consultadas que responsabilizan do acontecido á compañía eléctrica.

Con todo, desde o Concello de Lugo agardan que a web estea xa operativa ao 100% antes do mediodía deste luns.