A ruidosa relación sexual dunha parella de Lugo acabou en denuncia na Polícia Local. Foi unha lucense a que chamou o pasado luns á Comisaría da Policía Local para queixarse polas molestias que lle estaban ocasionando a ela e ás súas familias as relacións sexuais dos seus veciños, un encontro carnal que, ao seu xuízo, duraba demasiado e, ademais, era bastante ruidoso.

A chamada á central da Policía Local produciuse de madrugada, segundo recolle unha noticia de Paula Vilariño en El Progreso, e a afectada explicoulle ao operador que os veciños que vivían no piso de arriba estaban a manter relacións sexuais “pouco normais”, dado que, segundo o seu criterio, “duraban moito”.

Finalmente, os axentes acudiron ao inmoble, pero cando chegaron á vivenda da denunciante eses ruídos xa non se escoitaban, polo que non tiveron que intervir.