InicioPolíticaPontón condiciona o apoio a “calquera” investidura á tarifa eléctrica galega

Pontón condiciona o apoio a “calquera” investidura á tarifa eléctrica galega

A deputada no Parlamento galego Olalla Rodil será a número 1 do BNG ao Congreso por Lugo, en substitución da actual vicepresidenta da Deputación, Maite Rego.

PUBLICADA O

- Advertisement -

EFE. A voceira nacional do BNG, Ana Pontón, que este venres viaxou a Lugo para participar na presentación da candidatura nacionalista por esta provincia, asegurou que se o seu partido consegue representación en Madrid nas próximas eleccións xerais, condicionará “calquera apoio de investidura” a “un prezo xusto e competitivo da electricidade“.

O obxectivo, asegurou, “é “salvar as nosas industrias electrointensivas e os postos de traballo”, porque é inaceptable que “un só emprego” estea no aire en Galicia polo prezo do fornezo, cando nos achamos nunha rexión que é “excedentaria” na produción de enerxía eléctrica.

“Como pode ser”, preguntouse Pontón, que tanto o presidente da Xunta de Galicia, Alberto Núñez Feijóo, como a ministra de Industria, Reyes Maroto, visitasen en días pasados a fábrica de Alcoa en San Cibrao sen aportar solución algunha á crise industrial que “ameaza centos de postos de traballo”.

Desde o seu punto de vista, o que está sucedendo é “responsabilidade directa do Partido Popular e do PSOE” por poñer en marcha un “marco eléctrico que aboca ao peche a un dos elementos centrais” da economía da Mariña Lucense e, por extensión, da provincia de Lugo e de Galicia.

Segundo Pontón, é unha “vergoña” que nin un só dos 23 deputados galegos que había no Congreso na pasada legislatura “fose capaz de condicionar a investidura do presidente a unha axenda galega” na política estatal.

Ese, ao seu xuízo, “é o gran reto” desta nova convocatoria electoral, á que se chegou pola “incompetencia e inutilidade” de “forzas estatais” que han ter a Galicia “ausente do debate” político.

“Xa está ben de deputados que van a Madrid a votar o que lles mandan os seus xefes madrileños”, dixo Pontón, quen espera que o BNG recupera “unha voz propia que defenda a Galicia” no Congreso.

RODIL SERÁ CANDIDATA DOS NACIONALISTAS POR LUGO

A deputada no Parlamento galego Olalla Rodil será a número 1 do BNG ao Congreso por Lugo, en substitución da actual vicepresidenta da Deputación, Maite Rego.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...