InicioSociedadeA Xunta achega dous millóns de euros para mellorar seis estradas da...

A Xunta achega dous millóns de euros para mellorar seis estradas da montaña luguesa

En total, arranxaranse uns cen quilómetros que afectan, na súa maioría, aos municipios da Fonsagrada e Baleira.

PUBLICADA O

- Advertisement -

O delegado da Xunta en Lugo, José Manuel Balseiro, compareceu este luns en rolda de prensa para anunciar un investimento de 2,1 millóns de euros no acondicionamento de cen quilómetros de estradas da montaña de Lugo.

Balseiro avanzou que se inician “os traballos deste ambicioso plan de mellora, que vai supoñer actuar sobre cen quilómetros de vías, dos cales preto do 40 por cento corresponden ao concello da Fonsagrada e o 18 por cento ao municipio de Baleira“. “Son vías que vertebran ambos concellos, pero tamén determinan as conexións con Baralla, Castroverde, Pol, Meira e con Lugo”, concretou, para logo engadir que se prevé que as obras de reforzo do firme rematen antes de finais de outubro.

En total, interviríase en seis estradas que afectan a sete concellos: A Fonsagrada, con máis de 38 quilómetros; Baleira, 17,6; Baralla, 9,9; Pol, 9,8; en Castroverde, 8,5 e en Meira, 2,4. Tamén se traballará en 12,5 quilómetros da estrada que conecta Lugo coa Fonsagrada, cun investimento de 337.150 euros.

REUNIÓN

Polo demais, Balseiro tamén aproveitou para responder á petición de entrevista que solicitou o tenente de alcalde do Concello de Lugo, o nacionalista Rubén Arroxo, para comprobar como vai o Plan Paraday. Respecto diso, Balseiro dixo que esperará a que conclúa as súas vacacións a alcaldesa de Lugo, a socialista Lara Méndez, para non ter que tratar o asunto dúas veces, e así exporlles a ambos como se atopa tal plan con afectación ata a estación de ferrocarril.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...