InicioSucesosDetido en Lugo por chocar contra varios vehículos e cuadruplicar a taxa...

Detido en Lugo por chocar contra varios vehículos e cuadruplicar a taxa de alcol

A detención produciuse este martes na rúa Serra de Meira despois de que o condutor "perdera o control do automóbil, atravesando o carril destinado ao sentido contrario da circulación, e chocara contra os vehículos estacionados no lugar", segundo a Policía.

PUBLICADA O

- Advertisement -

Un condutor que chocou con varios coches estacionados nunha rúa de Lugo foi detido despois de ser sometido a unha proba sobre consumo de alcol na que resultou consumir catro veces o límite legal, informou hoxe a Policía.

A detención produciuse este martes na rúa Serra de Meira despois de que o condutor “perdera o control do automóbil, atravesando o carril destinado ao sentido contrario da circulación, e chocara contra os vehículos estacionados no lugar”, segundo a Policía.

Os axentes que acudiron á zona comprobaron que o condutor do vehículo sinistrado presentaba claros signos externos de atoparse baixo a influencia de bebidas alcohólicas, polo que foi sometido a probas que deron positivo.

Segundo a Policía, o home tivo nas dúas probas practicadas unha taxa de 0,97 e 1,01 miligramos de alcol por litro de aire expirado, respectivamente, fronte ao límite legal de 0,25 miligramos.

Por iso, os axentes procederon a arrestalo e a instruír dilixencias sobre un presunto delito contra a seguridade viaria polo procedemento de xuízo rápido.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...