Os dous primeiros xendarmes de Portugal e Francia chegaron á provincia de Lugo este mércores, véspera do día de Santiago, para “colaborar no Plan de Seguridade Xacobeo”.
A subdelegada do Goberno de España en Lugo, Isabel Rodríguez, anunciou que os axentes “xa están comisionados na provincia para axudar a Garda Civil a dar a mellor atención posible ás persoas doutros países que peregrinan a Santiago“, sinala o Goberno de España nun comunicado. Así, a subdelegada asegurou que “a presenza dos xendarmes dos dous países na provincia nos meses de xullo e agosto prodúcese nas datas nas que se rexistra unha maior afluencia de peregrinos”. Ademais, moitos dos camiñantes, engadiu Rodríguez, “proceden deses mesmos países”.
“En total, serán cinco os xendarmes, con base en Sarria e Portomarín, os que reforzarán a Garda Civil este verán”, desvelou. O Plan de Seguridade Xacobeo 2019 contará coa participación de dous gardas portugueses e outro tres franceses -un sarxento e dous xinetes-.
