O portavoz parlamentario do PSdeG, Xoaquín Fernández Leiceaga, asegurou que os cambios introducidos no Partido Socialista da provincia de Lugo achegarán “estabilidade e normalidade” á organización e ao goberno provincial.
Nunha rolda de prensa celebrada este luns, Leiceaga foi cuestionado sobre os acontecementos da última semana no PSOE lugués coa dimisión do ata entón secretario provincial, Álvaro Santos, e a ratificación da dirección federal do partido do alcalde de Monforte, José Tomé, como candidato a presidir a deputación en detrimento de Darío Campos.
Fernández Leiceaga negou que se trate dunha ‘purga’ promovida pola dirección galega, xa que sostén que “o que pasou foi unha dimisión e a elección das bases do partido, alcaldes e concelleiros; dos seus deputados provinciais que a dirección (federal) avalou”.
“BOA RELACIÓN”
Así as cousas, afirmou que persoalmente ten “boa relación” tanto con Álvaro Santos como con Darío Campos, dos que destacou o “papel político en Lugo” desempeñado ao longo dos últimos anos e agardou que sigan tendo un papel importante no PSOE da provincia.
Con todo, afirma que foi “unha etapa moi convulsa nas relacións internas e externas” na provincia, polo que confía en que a “nova configuración” do PSOE lugués sirva para iniciar “unha etapa de estabilidade e normalidade” ademais de para ter “unha boa relación” co resto de forzas “progresistas” de Lugo.
CRÍTICAS
Por outra banda, o aínda presidente da Deputación, Darío Campos, criticou as “formas” coas que o seu partido decidiu desfacerse del na Presidencia deste organismo, xa que, non foi escollida pola dirección federal, nin a dirección galega, como deputado provincial a pesar de ser o elixido polos militantes da Mariña.O portavoz parlamentario do PSdeG, Xoaquín Fernández Leiceaga, asegurou que os cambios introducidos no Partido Socialista da provincia de Lugo achegarán “estabilidade e normalidade” á organización e ao goberno provincial.
Tamén a presidenta do PP de Lugo e alcaldesa de Mondoñedo, Elena Candia, criticou os xeitos que tiveron os socialistas para prescindir do quen aínda segue sendo o presidente da deputación en funcións.
