A dez días de que comece o Arde Lucus, festa histórica emblemática da cidade, xa é posible desfrutar en liña do primeiro gran documental sobre o evento. A cargo de Brais Revaldería, o filme foi producido por Piruleta&media e Everniamedia, e contou coa colaboración de Hachedevisual e a Fundación TIC. Agora están dispoñibles de balde os sesenta minutos de metraxe nos que percorre a festividade e as súas orixes.
Este documental abrangue aspectos históricos, coma a fundación de Lucus Augusti e os diferentes aspectos da vida pública, a administración e a convivencia entre castrexos e romanos; os detalles da reconstrucción histórica, dende a vestimenta á creación da moneda oficial, pasando polo material militar ou a organización de quenes realizan as recreacións e espectáculos. En definitiva, todo o que rodea ao Arde Lucus e que desfrutaremos novamente os días 15, 16 e 17 de xuño.
Máis de 600.000 persoas visitaron Lugo durante tres días en xuño do 2017. E este ano, a cifra pode ser maior. Ou iso esperan no concello. Un turismo que en tres días deixa máis de 12 millóns de euros. Por iso, un ano máis quere ser o escaparate para atraer turismo español e internacional á cidade. Un atractivo máis que sumar á súa muralla, declarada Monumento Patrimonio da Humanidade.
