InicioEconomíaCafé Candelas obtén visto e prace ambiental para construír unha planta que...

Café Candelas obtén visto e prace ambiental para construír unha planta que aglutinará todo o proceso produtivo en Lugo

Nela terá lugar o proceso produtivo na súa totalidade: recepción, procesado, almacenaxe e distribución.

PUBLICADA O

- Advertisement -

Café Candelas obtivo o visto e prace da Xunta desde o punto de vista ambiental para construír unha planta en Lugo na que terá lugar o proceso produtivo na súa totalidade: recepción, procesado, almacenaxe e distribución. Así o recolle o informe de impacto ambiental do proxecto de planta, de cuxo anuncio polo que se fai público sae este luns no Diario Oficial de Galicia (DOG). O informe dá o ‘ok’ “sempre que se cumpran, ademais do recolleito no documento ambiental e restante documentación avaliada, o condicionado e o programa de vixilancia ambiental que figuran ao longo” do propio documento.

Nese caso, a Dirección Xeral de Calidade Ambiental cre que “non son previsibles efectos adversos significativos sobre o medio ambiente” e por tanto non considera necesario someter a iniciativa a avaliación ambiental ordinaria. O promotor é Café Candelas e as instalacións proxectadas emprazaranse na parcela ‘B6’ cunha superficie de 17.938 metros cadrados no parque empresarial das Gándaras, en Lugo.

PLANTA SOLAR EN SILLEDA

Por outra banda, o DOG tamén publica este luns unha resolución da Dirección Xeral de Enerxías Renovables e Cambio Climático, pola que outorga autorización administrativa previa e de construción das instalacións relativas ao proxecto da planta solar fotovoltaica Silleda Solar, promovido por Arcos de Grava, S.L. Con domicilio social en Madrid, Arcos de Grava, S.L. proxecta unha instalación solar fotovoltaica de 2.700 kW de potencia nominal (3.326 kWp) e potencia evacuable de 2.500 kW.

ÚLTIMAS

Volve o festival decano da música clásica en Galicia: o Festival Cidade de Lugo, do 17 ao 31 de maio

O festival decano da música clásica en Galicia, o Festival Cidade de Lugo, presentou este...

Inspeción sanciona con case 850.000 euros a dúas empresas implicadas na contratación de temporeiros en Begonte

A Inspección de Traballo impuxo sancións que ascenden a case 850.000 euros ás dúas empresas implicadas...

Axentes atopan a un paciente do HULA en pixama polas rúas de Lugo

A Policía Local de Lugo realizou unha serie de actuacións humanitarias co obxectivo de...

O BNG insta á Xunta a actuar “con urxencia” no xulgado de Lugo tras o seu peche por risco de novos derrubes

A deputada do Bloque Nacionalista Galego (BNG) no Parlamento galego Olalla Rodil solicitou á Xunta que actúe "con...