InicioEconomíaPrimeiros servizos 'Intercity Express' para reforzar as conexións directas A Coruña-Lugo-A Mariña

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación da concesión do servizo público de transporte regular de viaxeiros por estrada A Coruña-Lugo-A Mariña, por un importe de 4,7 millóns de euros.

PUBLICADA O

- Advertisement -

Consello da Xunta aprobou este luns o proxecto de acordo polo que se autoriza a contratación da concesión do servizo público de transporte regular de viaxeiros por estrada A Coruña-Lugo-A Mariña, por un importe de 4,7 millóns de euros. A concesión incorporará os primeiros servizos ‘Intercity Express’ previstos pola Xunta para reforzar as conexións directas entre as principais cidades de Galicia. O valor total do contrato supera os 38 millóns.

En concreto, a nova licitación mantén os servizos actuais e reforza coa liña ‘Intercity Express’ a conexión directa entre A Coruña e Lugo, cun incremento de tres autobuses de máis de 55 prazas. De luns a venres haberá, a maiores dos que xa funcionan, oito novos servizos de ida e outros tantos de volta, asegurando así un servizo cada hora por sentido entre as 6.30 e as 21.15 horas. Os sábados súmanse dous servizos de ida e dúas de volta e os domingos e festivos prestarase un servizo máis en cada sentido. A implantación destes servizos ‘Express’ supón un aumento porcentual dun 25 % e sumará 4.320 expedicións anuais nunha prestación que se prevé que chegue a preto de 460.000 viaxeiros en 2025.

A maiores destas cidades, este servizo de explotación, con vixencia ata 2030, inclúe os concellos coruñeses de Aranga, Arteixo, As Pontes, Bergondo, Betanzos, Cedeira, Cerdido, Coirós, Ferrol, Mañón, Moeche, Narón, Neda, Oleiros, Ortigueira, Sada e San Sadurniño. En Lugo, abarcará os da Pastoriza, A Pontenova, Abadín, Barreiros, Begonte, Burela, Castro de Rei, Cervo, Foz, Guitiriz, Lourenzá, Meira, Mondoñedo, Muras, O Vicedo, Ourol, Outeiro de Rei, Pol, Rábade, Ribadeo, Riotorto, Trabada, Vilalba, Viveiro, Xermade e Xove. En Asturias inclúense tamén paradas en San Tirso de Abres e Vegadeo.

Segundo os datos rexistrados en 2023, a demanda real neste case medio cento de concellos estímase en 371.500 viaxeiros ao ano, polo que a nova concesión impulsará os servizos con cinco vehículos máis, alcanzando os 22 autobuses, e a contratación doutros tantos condutores, ademais dos previstos para reforzar a ligazón A Coruña-Lugo. A concesión que se prevé licitar enmárcase no Plan de Transporte Público de Galicia, co que a Xunta “avanza na consecución dun modelo de mobilidade optimizado, moderno, intelixente e responsable coa poboación e co medio natural”, destaca o Goberno galego.

GLORIETA EN DOADE

Por outra banda, o Consello da Xunta acordou este luns a aprobación do proxecto de execución dunha glorieta na estrada LU-903 en Doade, no municipio lucense de Sober. En concreto, o Goberno galego destinará preto de 410.000 euros a esta actuación, que facilitará os movementos na intersección entre a LU-903 e a LU-P-5903. A aprobación definitiva deste proxecto leva tamén aparellada a declaración de utilidade pública e a ocupación dos 17 terreos necesarios para executala.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...