InicioTerra CháA PastorizaArquivado un proxecto eólico na Pastoriza que non superou o trámite ambiental...

Arquivado un proxecto eólico na Pastoriza que non superou o trámite ambiental por afectar ao milano real

Flora e fauna "veríanse directamente afectadas" polo cableado do parque

PUBLICADA O

- Advertisement -

A Xunta arquivou o proxecto eólico de Greenalia chamado Graxón, no municipio lucense da Pastoriza, despois de non superar o trámite ambiental. Na declaración ambiental negativa publicada a comezos de ano, a Dirección Xeral de Patrimonio Natural identificou que a flora e fauna de hábitats naturais “veríanse directamente afectados” polo cableado do parque. E chamaba a atención sobre o milano real (‘Milvus milvus’), especie en perigo de extinción, con “probabilidade elevada de chocar” contra a infraestrutura eólica, o que “tería consecuencias poboacións significativas”.

Entre outras cuestións, Greenalia propuña que, en caso de colisión dos milanos, se reintroducirían exemplares criados en catividade ou procedentes dos centros de recuperación de fauna para compensar as mortes destas aves.

Agora, a Consellería de Economía e Industria publica –este martes no Diario Oficial de Galicia (DOG)– o arquivo definitivo deste proxecto e procede a cancelar a garantía de 252.000 euros depositada por Greenalia Wind Power. O proxecto deste parque de 6,6 megawatts estaba composto por un aeroxerador e a súa infraestrutura asociada, cun orzamento de 5,5 millóns de euros.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...