InicioEconomíaRueda destaca en Lugo a "estabilidade" dun sector da hostalaría que define...

Rueda destaca en Lugo a “estabilidade” dun sector da hostalaría que define como “a industria da felicidade”

PUBLICADA O

- Advertisement -

O presidente da Xunta, Alfonso Rueda, mantivo este luns en Lugo un encontro con representantes das principais asociacións de hostaleiros de Galicia no que destacou a “estabilidade” e a “confianza” que transmite un sector que deu en definir como “a industria da felicidade”.

“O sector da hostalaría e o sector do turismo seguen transmitindo confianza, seguen dando sensación de estabilidade e cando hai estabilidade a xente quere investir, a economía funciona, sobe o consumo e ao final somos todos máis felices”, sinalou, nunha breve comparecencia ante os medios celebrada no hotel Méndez Núñez da capital, o líder do PPdeG.

Rueda, que foi presentado no acto polo presidente da Asociación Provincial de Empresarios de Hostalaría e Turismo de Lugo, Cheché Real, chamou a atención durante a súa intervención sobre a importancia de “seguir profesionalizando o sector” e “facer fronte” a un “problema”, o da “man de obra”, que cualificou como “xeneralizado”.

“Temos que seguir potenciando os centros de formación, a captación e seguir apoiando aos autónomos, porque Galicia son autónomos e pequenas e medianas empresas”, agregou o candidato á reelección como presidente da Xunta, para acto seguido asegurar que a hostalaría e o turismo “moven emprego” e crean “marca Galicia”.

Tamén aproveitou Alfonso Rueda a reunión cos representantes das asociacións hostaleiras para subliñar o papel desempeñado polo sector na recuperación económica da comunidade tras a pandemia e para destacar a actuación da Xunta na devandita materia, da que asegurou sentirse “moi orgulloso”.

“Naquel momento puidemos axudar a que moitos negocios tivesen un novo arranque unha vez que as cousas empezaron a mellorar. Aprendemos a ir da man a Xunta de Galicia e os hostaleiros e vivimos unha segunda época de bater marcas. Creo que nos puxemos moito máis en valor”, finalizou Rueda.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...