InicioEconomíaOs alugueres non paran de subir en Lugo; un 8,5% máis este...

Os alugueres non paran de subir en Lugo; un 8,5% máis este febreiro

O incremento é xeneralizado en toda Galicia.

PUBLICADA O

- Advertisement -

O piso tipo de aluguer en Galicia rexistrou este mes de febreiro un prezo medio de 8,17 euros por metro cadrado (m2), o que supuxo unha subida do 8,1% se se fai a comparativa co mesmo mes de 2022, segundo os datos recolleitos polo portal inmobiliario Fotocasa.

Os datos dados a coñecer este luns indican que a subida dos prezos medios do aluguer con respecto ao mes pasado sitúase en 1,1%. Estas cifras son similares ás do conxunto estatal, onde o custo medio das vivendas en aluguer aumentou un 10,2% no último ano, mentres que o fixo un 2% se se compara co mes de xaneiro.

Por provincias, as catro experimentaron subidas interanuais dos alugueres, sendo Ourense a que máis aumenta, un 12,7%, e na que o prezo medio se sitúa nos 6,29 euros. Así, está seguida por Lugo cunha subida do 8,5% e o metro cadrado a 6,88 euros.

Deste xeito, Pontevedra e A Coruña sofren aumentos máis lixeiros, un 7,2% e un 5,4%, respectivamente. Con todo, son as provincias cos prezos por metro cadrado máis alto a 9,08 e 8,23.

DATOS POR MUNICIPIOS

Por municipios, a cidade de Ferrol é a que máis incrementos acumula en febreiro, cun 14,3%. A ela séguenlle as cidades de Santiago de Compostela (13,9%), Ourense (10,4%), A Coruña (9,6%) e Vigo (9,0%).

En canto ao prezo por metro cadrado en febreiro, a cidade da Coruña ten o máis elevado, con 9,57 euros o metro cadrado, seguida de preto por Vigo con 9,46 e Santiago con 9,01 euros.

ÚLTIMAS

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...

A CIG acusa á patronal da limpeza de Lugo de ir á mediación “sen ningún avance”

A CIG criticou que a patronal da limpeza de Lugo acudise este luns á...

O lucense Antonio de Ron, distinguido co ‘Meritorius Service Award’ dunha insitución dos EE.UU.

Antonio de Ron Pedreira (Lugo, 1952), profesor vinculado 'ad honorem' do Consello Superior de...

Desarticulado un ‘punto negro’ de venda de droga en Lugo

Axentes da Policía Nacional de Lugo detiveron a un home como presunto autor dun delito de tráfico...