InicioEconomíaA subdelegada do Goberno en Lugo defende políticas activas de emprego e...

A subdelegada do Goberno en Lugo defende políticas activas de emprego e a FP para “seguir baixando o paro”

PUBLICADA O

- Advertisement -

A subdelegada do Goberno en Lugo, Isabel Rodríguez, sinalou como puntos “chave” na loita contra o paro as políticas activas de emprego e a modernización da Formación Profesional. Así, destacou os 84 millóns de euros de transferencias que recibiu Galicia o ano pasado do Plan de Modernización da Formación Profesional.

Rodríguez expresouse así este xoves na inauguración da I Feira de Emprego e Talento organizada pola Asociación de Empresarios dos Polígonos do Ceao – As Gándaras, onde indicou ademais que o emprego é un vital na axenda política do Goberno.

A subdelegada aproveitou a visita para animar aos empresarios lucenses a optar ás numerosas convocatorias do Goberno para captar fondos do Plan de Recuperación, “unha oportunidade única que sería pouco intelixente non aproveitar”.

“As estatísticas proban que imos na boa dirección, onte mesmo soubemos que en abril baixou o paro en España e tamén na provincia de Lugo, onde o descenso foi do 2,79% respecto ao mes de marzo e do 16,20% en comparación con abril do ano pasado”, explicou.

A pesar dos “bos” datos, Rodríguez matizou que quedan “retos que afrontar”, motivo polo que, segundo sinalou, o Goberno ten previsto aprobar este ano a nova Lei de Emprego que, “cunha profunda transformación do Servizo Público de Emprego Estatal, co obxectivo de que exerza un papel crave de acompañamento nos procesos de cualificación dos traballadores durante toda a súa vida laboral”.

Tamén a este respecto lembrou que o SEPE creou recentemente o Portal Único de Emprego, Emprégache, para ofrecer un lugar de contacto a todas as persoas que buscan emprego e a todas as empresas que procuran talento. “Actualmente, trabállase no desenvolvemento dunha ferramenta que aproveite a intelixencia artificial para coñecer as ocupacións máis demandadas polas empresas en cada provincia, unha información que é básica para poder formar aos traballadores coa finalidade de satisfacer a dita demanda”, comentou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...