InicioEconomíaDenuncian que o 60% dos concellos lugueses non aplican bonificacións para paliar...

Denuncian que o 60% dos concellos lugueses non aplican bonificacións para paliar o “catastrazo”

O Sindicato Labrego Galego lembra que a modificación do 2012 da Lei do Catastro equiparou a valoración das construcións rústicas ás urbanas, de modo que moitas explotacións agrarias resultan agraviadas.

PUBLICADA O

- Advertisement -

O Sindicato Labrego Galego (SLG) denunciou que o 60% dos concellos da provincia de Lugo “seguen sen aplicar bonificacións para paliar o impacto do catastrazo nas granxas”.

Nun comunicado, indica que iniciará unha campaña de denuncia “para que termine esta inxustiza e agravio comparativo para miles de explotacións”, engade.  En concreto, sinala que en 2022 “cumprirase unha década desde que o exministro de Facenda, Cristóbal Montoro, decidise arranxar as contas do país cunha subida de impostos ás nosas vivendas e leiras”.

“A modificación do ano 2012 da Lei do Catastro e as sucesivas regularizacións postas en marcha desde aquela, xunto coa revisión xeneralizada á alza do valor dos bens inmobles do Estado, supuxo unha subida enorme do IBI ingresado polos concellos”.

Ademais, subliña que entre os afectados por esta subida están “as titulares das explotacións agrarias, posto que a modificación da Lei do Catastro equiparou a valoración das construcións rústicas ás urbanas”.

O SLG lembra que levaron a cabo distintas iniciativas, como recollida de firmas e presentación de mocións, para que os concellos “modifiquen as súas ordenanzas municipais para incluír as bonificacións do imposto que permite a lei para os inmobles ligados ás actividades agrícolas ou gandeiras” e avanza agora unha campaña para que este ano marque o final desta “excesiva e inxusta imposición ás actividades agrogandeiras”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...