InicioEconomíaO presidente da Deputación de Lugo: "Hai que buscar unha fórmula, sexa...

O presidente da Deputación de Lugo: “Hai que buscar unha fórmula, sexa intervención ou expropiación”

Insiste en buscar unha "fórmula legal" para evitar o peche da planta, "chámese intervención ou expropiación"

PUBLICADA O

- Advertisement -

O presidente da Deputación de Lugo, José Toméemprazou a Alcoa a que devolva todas as axudas públicas desde que se fixo coa planta de San Cibrao en 1998 no caso de que finalmente peche a factoría, á vez que demanda que solucione o “problema ambiental da balsa de lodos”.

Tras a xunta de goberno provincial, Tomei insistiu en que é necesario buscar a “fórmula legal” para evitar o peche da planta da Mariña, “chámese intervención ou expropiación”. Unha empresa que recibe diñeiro para o mantemento da nave, para creación e mantemento de emprego, se non cumpre hai que facer como con calquera cidadán cando se lle require que devolva unha axuda ou subvención que recibiu”, expón.

Por iso, defende que “Alcoa debe de restituír, repor ao erario público o diñeiro que recibiu e que non utilizou naquilo que tiña a obrigación de utilizar”. Outro aspecto no que se centrou o presidente da Deputación de Lugo é no “problema ambiental serio que xerou” a multinacional americana con “a balsa de lodos”. “O que non pode ser é que pechen e nos deixen sen xestionar a balsa de lodos e sen depurar todo iso e téñase que facer con fondos públicos”, avisa.

MANIFESTACIÓN DO SÁBADO

Por outra banda, Tomé informou de que non poderá asistir á manifestación deste sábado na cidade de Lugo que realizarán os traballadores de Alcoa debido a “problemas de axenda” en Monforte, onde é alcalde. Con todo, comprometeu a presenza de deputados provinciais do PSOE.

O portavoz do BNG no goberno bipartito da Deputación, Efrén Castro, tamén mostrou o seu apoio aos traballadores, á vez que sinalou que el si asistirá á protesta do sábado. Tamén expresaba o seu respaldo ás demandas dos traballadores, o que se comprometía a asistir mañá á protesta.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...