InicioEconomíaBares e comercios locais facturan máis de 14.000 euros en dez días...

Bares e comercios locais facturan máis de 14.000 euros en dez días a través da web ‘Abrindo Lugo’

A plataforma reúne uns douscentos establecementos que venden bonos que poderán ser consumidos tras o estado de alarma.

PUBLICADA O

- Advertisement -

O comercio e a hostalaría local da cidade de Lugo facturou 14.360 euros durante os dez días nos que leva aberta a plataforma de venda de bonos ‘Abrindo Lugo‘. A web, que foi impulsada polo Concello en colaboración coa Federación de Comercio e a Asociación Provincial de Hostalaría, reúne uns 200 establecementos que procuran liquidez en tempos de coronavirus.

En pouco máis dunha semana, vendéronse case 400 bonos que se poderán consumir unha vez remate o estado de alarma e chegue a “nova normalidade”. Ademais, recadaron máis de 360 euros a través de tíckets solidarios, cos que a cidadanía axuda a comerciantes e hostaleiros. A cantidade de diñeiro obtida, que permite ter ingresos malia estaren pechados, xa lles foi abonada.

Segundo comentou o concelleiro de desenvolvemento local e emprego, Mauricio Repetto, “quedou claro que o compromiso dos lucenses é claro, amplo e firme”, porque colaboraron “sen dubidalo” co comercio lucense. O importante, abundou, “é a posta en valor do pequeno comercio” como “elemento diferenciador” da cidade e veciños.

“Estamos a desexar volver á nova normalidade”, manifestou o concelleiro, que celebrou “a acollida que tivo a iniciativa entre todos os lucenses”. A plataforma continúa en funcionamento e aberta á adhesión de novos comercios.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...