InicioEconomíaGandeiros lucenses súmanse á demanda colectiva contra o 'cártel' do leite

Gandeiros lucenses súmanse á demanda colectiva contra o ‘cártel’ do leite

A asociación Agromuralla asinou un acordo con Eskariam polo cal os seus asociados poden presentar reclamacións ata o 11 de maio. "É unha oportunidade a custo cero que non debemos desaproveitar" para recuperar o diñeiro perdido, segundo o presidente do colectivo, Roberto López.

PUBLICADA O

- Advertisement -

EFE | A asociación Agromuralla, que agrupa uns catrocentos gandeiros das provincias de Lugo e A Coruña, pechou un acordo con Eskariam, unha empresa xurídica especializada no ámbito das demandas colectivas —con sede en Madrid—, para facilitarlle aos seus asociados a posibilidade de recuperar o diñeiro que perderían ante o ‘cártel’ das empresas do sector lácteo.

Lembra que tras o fallo da Comisión Nacional dos Mercados e da Competencia (CNMC) en xullo de 2019, quedou probado que “as empresas transformadoras de leite intercambiaron información, a nivel nacional e rexional”, sobre o prezo en orixe, volume de compra e excedentes entre os anos 2000 e 2013. Ese intercambio de información tivo “consecuencias insostibles para os gandeiros”, que “vendían a súa produción” a un prezo “cada vez menor”.

Como asociacións, cooperativas e afectados teñen ata o 11 de xullo deste ano como data límite para presentar a súa reclamación, Agromuralla asinou un acordo con esta entidade para que os seus asociados poidan demandar as empresas para recuperar o diñeiro perdido por mor desas prácticas.

O presidente de Agromuralla, Roberto López lembrou que os produtores sufriron “durante anos” prezos “baixos do leite, como consecuencia do acordo entre as empresas”, polo que agora teñen “dereito a recuperar ese diñeiro”, que é “froito do seu traballo”. “Trátase de cantidades importantes e, por iso, é unha oportunidade a custo cero que non debemos desaproveitar”, engadiu, polo que tamén animou aos gandeiros para “perder o medo e a reclamar”.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...