O Breogán cesa a Natxo Lezkano coma primeiro adestrador

O técnico chegou ao club lucense en 2016 e acadou o ascenso á Liga Endesa despois de 12 tempadas en LEB Ouro

Natxo Lezkano. Foto de cbbreogan.com

O Cafés Candelas Breogán comunicou o cese de Natxo Lezkano coma primeiro adestrador. Os lucenses entraron onte ao mediodía en descenso despois da vitoria de UCAM Murcia contra Tecnyconta Zaragoza e trala derrota do Breogán en Donosti o sábado contra Gipuzkoa Basket (100-65).

Natxo Lezkano chegou ao club no verán de 2016. Ascendeu ao equipo lucense á Liga Endesa en 2018 despois de 12 tempadas en LEB Ouro. Tamén conquistou a Copa Princesa e a Copa Galicia en 2018. Na súa primeira tempada (2016-17), o equipo rematou segundo na liga regular e foi eliminado en semifinais polo ascenso. Na actual campaña, sumou 7 vitorias, 6 delas no Pazo, entre elas ao Real Madrid, Movistar Estudiantes e Obradoiro.

 

DEIXAR UN COMENTARIO

Please enter your comment!
Please enter your name here