O Cafés Candelas Breogán perdeu ante Monbús Obradoiro (75-73) na vixésimo primeira xornada da Liga Endesa.
Os lucenses foron castigados no primeiro e terceiro cuartos. Na primeira xogada, tres rebotes ofensivos de Obradoiro. O Breogán só anotou 9 puntos no primeiro cuarto con todo xogadas individuais. Obradoiro gañaba 21-9 ao remate do primeiro parcial.
O Breogán reduciu diferenzas no segundo cuarto grazas á dirección de Ricardo Úriz (33-29).
Na segunda metade, Obradoiro fíxose forte co poderío interior de Vladimir Brodziansky e Nacho Llovet, así coma unha mellor circulación. Chegaron a gañar por 16 puntos (69-53). Dende aí, o Breogán reaccionou, igualou cun mate de Alec Brown (73-73), respondeu Andreas Obst cun reverso (75-73) e Aleksandar Cvetković non puido anotar a tripla definitiva para a vitoria de Obradoiro.
Alec Brown foi o xogador máis valorado do Breogán con 16 puntos e 6 rebotes para 24 créditos valorativos, seguido por Volodymyr Gerun, con 14 puntos, 6 rebotes e 3 asistencias. Cómpre subliñar tamén as 5 asistencias de Ricardo Úriz.
