Club Deportivo Lugo visita mañá domingo ao Rayo Vallecano no estadio de Vallecas na penúltima xornada da Liga 1|2|3 dende as 20:30 horas. O Rayo, de gañar, será equipo de Primeira División despois dun bienio en Segunda. Tamén ascenderá en caso de que o Sporting de Gijón non venza ao Granada C.F.
O mediocentro ou central Carlos Pita e o mediapunta ou extremo Antonio Campillo volven á convocatoria despois de cumplir sanción. O porteiro lucense Roberto Fernández, de xogar mañá, cumprirá o seu partido 400 na súa traxectoria profesional.
O equipo conta coas baixas do lateral dereito Serge Leuko, convocado coa selección de Camerún; e o dianteiro Manuel Jesús “Chuli” por molestias no tobillo esquerdo. Hai que engadir as lesións de longa duración do lateral dereito Eduard Campabadal, o mediapunta Sergio Díaz e do dianteiro Francisco “Polaco”.
Ademais, Francisco non citou por decisión técnica aos centrais Luis Muñoz e “Josete” Malagón, así como tampouco ao extremo zurdo Nico Albarracín e mailo dianteiro Mario Barco.
O mediapunta ou extremo Adrià Carmona repite convocatoria por segunda xornada consecutiva. Carmona, por diferentes lesións, non compite dende o 30 de outubro de 2016.
Foto de laliga.es
