InicioDeportesO Lugo perde no ascenso da S.D. Huesca (0-2)

O Lugo perde no ascenso da S.D. Huesca (0-2)

PUBLICADA O

- Advertisement -

A Sociedade Deportiva Huesca ascendeu por vez primeira á Primeira División despois de gañar 0-2 en Lugo. Os oscenses foron superiores durante o primeiro treito de partido. Así, no minuto 6, despois dunha xogada trenzada paseniñamente e con coherencia, Álex Gallar finalizou cun zurdazo colocado para anotar o 0-1. Pase de Gonzalo Melero, Gallar recibe ao borde do área, xira sobre sí mesmo, desfaise de Ramón Azeez e José Carlos, e define con enorme calidade. Catro minutos despois, o Club Deportivo Lugo tiña a súa primeira ocasión nun cabezazo excesivamente cruzado de José Carlos. Segundos despois, o Huesca realizaba un veloz contragolpe creando novamente perigo. Despois dun saque de esquina, o galego David Ferreiro, ex Lugo, dispara dende a frontal e o seu disparo marchaba desviado despois de tocar nun defensa local. No minuto 18, o Lugo volvía a xerar perigo nun saque de esquina que remataba Dani Escriche e desviaba o porteiro visitante Álex Remiro. Remiro, minutos despois, abandonaba o campo por mor do pelotazo recibido nesa xogada e tiña que ser sustituido por Roberto Santamaría. O propio Santamaría tiña que intervir á media hora ao desviar un cabezazo de Iriome. Cristian Herrera non atinou no rexeite. No minuto 32, Juan Aguilera cabeceaba e Roberto desviaba nunha maxistral parada despois dunha falta indirecta botada por Moi Gómez. Dous minutos despois, Roberto realizaba unha saída en falso despois dun saque de esquina. Non obstante, ningún oscense conseguiu rematar. No minuto 38, o Huesca anotaba o 0-2 nun taconazo de Jorge Pulido ao rematar un centro de David Ferreiro, que asinaba a súa décima asistencia da tempada. Pulido anticipouse no primeiro pau a José Carlos.

A S.D. Huesca celebra o ascenso ao carón dos seus afeccionados

No descanso, Sergio Gil entrou por Cristian Herrera. Monólogo albivermello na segunda metade con dominio de balón e chegadas. O Huesca só tivo unha opción cun disparo alto de Gonzalo Melero ao comezo do segundo acto. O Lugo gañou un mediocampista máis con Gil e dominou o encontro dende entón. No minuto 47, Jaime Romero dispara raso e Santamaría para en dous tempos. Dous minutos despois, xogada individual de Vasyl Kravets, protagonista absoluto da segunda metade, con dúas opcións, pero non consigue definir con acerto. No minuto 53, Álvaro Lemos centra e Escriche cabecea desviado cando tiña todo a favor. Segundos despois, é Kravets quen centra, Escriche cabecea mansamente e Santamaría bloca. No minuto 58, nova chegada de Kravets, pero ninguén chega ao remate. Dende entón, dominio estéril do Lugo, que dominou, pero sen ocasións, até que no minuto 91 Chuli rematou un centro de Lemos, que previamente realizara un fantástico autopase sobre Rajko Brezancic, e Santamaría volveu blocar con seguridade.

Fotos de laliga.es

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...