InicioDeportesSergio Gil mellora a un Lugo que suma un empate (0-0)

Sergio Gil mellora a un Lugo que suma un empate (0-0)

Javi López sustituiu a Cristian Herrera por Sergio Gil no minuto 35 e, dende aí, os lucenses tiveron máis control do xogo, pese a que apenas contaron con tres ocasións en todo o partido

PUBLICADA O

- Advertisement -

O Club Deportivo Lugo igualou sen goles na visita ao Club Deportivo Tenerife (0-0) e suma nove puntos neste inicio de Liga.

O Tenerife dominou ao comezo con máis posesión de balón e máis chegadas, especialmente protagonizadas polo extremo dereito, Suso Santana. De tódolos xeitos, o equipo tinerfeño non gozou de ocasións excesivamente claras.

No minuto 35, Javi López, adestrador albivermello, sorprendeu cun cambio táctico: introduciu a un mediocentro, Sergio Gil, por un dianteiro, Cristian Herrera. Dende aí, o Lugo tivo máis posesión, gañou confianza arredor do balón e controlou máis o xogo. Gil deu coherencia a cada posesión. O Lugo pasou a formar un trivote con Carlos Pita, Fernando Seoane e o propio Sergio Gil, pero só un dianteiro, Jean Marie Dongou, que baixaba a recibir continuamente a campo propio. Dongou loitou, pero cada vez que se xiraba e conducía as contras non atopaba a ninguén ou case ninguén por diante de balón facilitando liñas de pase. Só unha arricanda de Luis Ruiz, lateral esquerdo titular hoxe, rematou en finalización en toda a primeira parte.

Na segunda metade, comezou mellor o Lugo cun sobresaliente Sergio Gil. Unha conducción do aragonés rematou cun disparo axustado pero fóra de José Carlos Lazo. No minuto 59, José Luis Oltra, adestrador dos locais, retirou a un dos seus tres centrais, Carlos Ruiz, e incorporou a un extremo, Joao Rodríguez. Era a súa resposta ante o dominio do Lugo tralo troco introducido por Javi López. Joao Rodríguez aportou descaro, agresividade e desequilibrio. O Tenerife mellorou e gozou de máis e mellores chegadas. Así a todo, o Lugo tivo unha clara ocasión de José Carlos Lazo no minuto 88 nun contragolpe, pero excedeuse en recortes.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...