Os laranxas tentaban voltar á máxima categoría despois do descenso en 2017, logo de perder o primeiro partido disputado en Sevilla pola mínima (2-1). No partido disputado esta noite en Vista Alegre, o Burela foi en vantaxe durante nove minutos. Incluso, no minuto 32 gañaban 3-1 despois do segundo gol de Jorge Matamoros, que abrira o marcador tras un dobre penalti no minuto 20. Un par de goles de Roger Bermusell, que anotou tres tantos, en apenas dous minutos, igualaron o partido.

A falta dun minuto, o bético Raúl Gómez anotaba o 3-4 parcial. Poucos segundos despois, Héctor igualaba o encontro para o Burela a falta de novena centésimas do final e forzaba a prórroga. Xa no tempo engadido, Bermusell adiantaba ao Betis. No inicio da segunda parte da prórroga, Raúl Gómez anotaba o 4-6, ao cabo, definitivo.

Burela F.S. 4: Edu; Hélder, Renato, Pope e Héctor. Tamén xogaron Víctor, Chus, Colacha, Luisma e Jorge Matamoros.

Real Betis F.S. 6: Raúl Jiménez; Migo, Roger Bermusell, Aarón e Eric Pérez. Tamén xogaron Jorge Bellvert, Raúl Gómez, Chano e Rubén Cornejo.

Goles: 1-0 de Matamoros no minuto 20. 1-1 de Raúl Gómez no 20´. 2-1 de Chano no 25´. 3-1 de Matamoros no 32´. 3-2 de Roger Bermusell no 32´. 3-3 de Bermusell no 34´. 3-4 de Raúl Gómez no 39´. 4-4 de Héctor no 40´. 4-5 de Bermusell no 42´. 4-6 de Raúl Gómez no 45´.