O mediocentro Giorgi Aburjania foi convocado coa selección absoluta de Xeorxia para xogar a Liga das Nacións da UEFA. Competirá contra Kazaxistán en Astaná (Kazaxistán) o venres 7 de setembro e recibirá a Letonia en Tibilisi o domingo 9 de setembro.
Pola súa banda, o lateral esquerdo Vasyl Kravets foi citado co equipo nacional de Ucraína sub 21 para xogar dous partidos clasificatorios da Eurocopa sub 21 de 2019. Ámbolos dous encontros serán na cidade ucraína de Zaporiyia contra Letonia o venres 7 de setembro e ante Andorra tamén en Zaporiyia o luns 11 de setembro.
Porén, os dous serán baixa na visita do Club Deportivo Lugo ao Rayo Majadahonda o luns 11 de setembro a partir das 20:30 horas no Wanda Metropolitano en partido da cuarta xornada da Liga 1|2|3. Tres días despois, o xoves 13 de setembro, o Lugo visitará ao Albacete Balompié no estadio Carlos Belmonte a partir das 20 horas en partido de segunda rolda da Copa do Rei.
