InicioDeportesFeridos o futbolista do CD Lugo Fernando Seoane e a súa familia...

Feridos o futbolista do CD Lugo Fernando Seoane e a súa familia nun accidente de tráfico

O Club Deportivo Lugo publicou unha mensaxe para mandar "todo o apoio" ao xogador e á súa familia.

PUBLICADA O

- Advertisement -

O futbolista do Club Deportivo Lugo Fernando Seoane, a súa muller e o seu tres fillos, menores de idade, resultaron feridos de carácter leve ao sufrir un accidente de tráfico na Avenida das Fontiñas da cidade.

Segundo información do 112 Galicia, o sinistro ocorreu sobre as 15,40 horas da tarde. Entón, un particular chamaba á central de emerxencias para alertar de que había un coche envorcado na mencionada rúa, en sentido subida, e que podía haber persoas atrapadas no interior.

Seguidamente, o 112 avisou do suceso á Policía Local e aos bombeiros. No momento en que estes últimos chegaron ao lugar, comprobaron que a familia xa estaba fóra do vehículo, polo que non tiveron que realizar labores de excarceración.

Tanto Fernando Seoane como a súa muller e os seus fillos foron trasladados ao Hospital Universitario Lucus Augusti (HULA) para recibir atención médica. Posteriormente, a conta de Twitter do Club Deportivo Lugo publicou unha mensaxe para mandar “todo o apoio” ao xogador e á súa familia. “Nos primeiros momentos, as informacións indican que están fóra de perigo. Permaneceremos á espera, mentres se atopan recibindo atención médica”, engade o tuit.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...