- Advertisement -
O central portugués Luís Miguel Vieira Silva é novo xogador do Club Deportivo Lugo para as vindeiras tres tempadas. Miguel Vieira, de 27 anos e 1.90 metros, procede do F.C. Paços de Ferreira, onde xogou 32 partidos a tempada pasada na Primeira Liga portuguesa, a máxima categoría en Portugal, marcando 4 goles. Acumula 55 partidos na Primeira Liga de Portugal.
Cómpre subliñar o seu xogo aéreo e o seu desprazamento en longo.
O xogador será presentado mañá mércores 18 de xullo a partir das 13 horas no estadio Ángel Carro.
