InicioCulturaMaría López ingresa este sábado como membro de número da Real Academia...

María López ingresa este sábado como membro de número da Real Academia Galega

López investiga no campo da literatura galega e da sociolingüística e tamén é autora de ficción literaria

PUBLICADA O

- Advertisement -

O Círculo das Artes de Lugo acollerá este sábado a sesión extraordinaria pública da Real Academia Galega na que María López Sández (1973) ingresará como membro de número da institución, ocupando a vacante producida en novembro de 2021 polo falecemento de Darío Xohán Cabana.

A filóloga e escritora pronunciará na súa cidade natal o discurso titulado ‘Onde abrolla o manancial: a paisaxe na raíz do ensaísmo galego’, ao que lle dará resposta, en nome da institución, a académica Marilar Aleixandre. A entrada é libre ata completar a capacidade da sala, segundo informou a Real Academia.

Profesora de ‘Didáctica da Lingua e da Literatura’ da Universidade de Santiago de Compostela e catedrática en excedencia ensino secundario, a académica de número electa investiga no campo da literatura galega e da sociolingüística, así como tamén é autora de ficción literaria.

A paisaxe na literatura galega é un eixo central da súa investigación desde os inicios. Ademais, a rigorosidade e a multidisciplinariedade son as dous “constantes” na traxectoria de María López Sández. Licenciada en Filoloxía Galega, Hispánica e Inglesa, foi premio fin de carreira de Galicia e segundo premio nacional de Terminación de Estudos Universitarios de Filoloxía.

Tras a tese que centrou en Rosalía de Castro, Otero Pedrayo e Ferrín, seguiu profundando no estudo da descrición da paisaxe, atendendo aos imaxinarios rurais e urbanos en autores como Eduardo Blanco Amor e Carlos Casares, xunto á análise semiótica da cartografía, subliñando a centralidade cultural do mapa de Domingo Fontán.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...