A Garda Civil, no marco da ‘Operación Caquexia’, imputa, en calidade de investigados, a dous veciños de Baleira, como supostos autores dun delito relativo á protección da flora, fauna e animais domésticos.
Segundo informa este corpo de seguridade, ambos os investigados deixaron de levar a cabo os coidados básicos a catro animais (cans) da súa propiedade, polo que un morreu de inanición.
Todos os cánidos carecían de alimento e auga e tampouco se lles realizou ningún control veterinario. Nesta investigación participaron o ‘Pacprona’ da Garda Civil de Lugo, axentes da Conselleria de Medio Ambiente da Xunta e persoal do Concello lucense de Baleira. As dilixencias policiais foron remitidas ás autoridades xudiciais.
