InicioCulturaDavid Amor e Marta Larralde impartirán dúas clases de actuación en Lugo

David Amor e Marta Larralde impartirán dúas clases de actuación en Lugo

A actriz e mailo cómico participarán dos campamentos de teatro para cativos en sesións de balde e abertas a quen desexe asistir ao Pazo de San Marcos

PUBLICADA O

- Advertisement -

A actriz Marta Larralde e o cómico David Amor participarán en dúas clases maxistrais enmarcada nas actividades gratuítas do Campamento de Teatro Urbano, que organizan Deputación e Concello en Lugo. Esta iniciativa está tendo lugar no centro histórico da cidade durante todo o mes de agosto, e participan de xeito gratuíto nenos e nenas de entre 7 e 14 anos.

Tódalas actividades deste campamento realízanse a través dunha metodoloxía lúdica, activa e participativa. Neste senso, en cada edición organízanse faladoiros con profesionais da actuación para que poidan transmitir como é traballar dentro do eido e técnicas de aprendizaxe. 

Así, a finais do presente mes de agosto celebraranse dúas clases maxistrais de balde e abertas a quen desexe asistir. Os participantes dos campamentos de teatro e curiosos da interpretación poderán coñecer máis sobre a traxectoria profesional e as experiencias de David Amor e Marta Larralde. Con tal fin, deberán achegarse ata o Salón de Actos da Deputación, no Pazo de San Marcos, os días 21 e 31 de agosto, respectivamente, ata completar aforo. 

David Amor é un monologuista e actor de Salceda de Caselas, que actualmente colabora nun dos programas da televisión máis vistos, “Zapeando” de laSexta, e que continúa interpretando ó personaxe de Tito en “Gym Tony” de Cuatro, unha serie que vai xa pola cuarta tempada.

A actriz Marta Larralde pechará os campamentos de teatro urbano no salón de actos o día 31 ás 19.00 horas. Esta masterclass impartida pola viguesa servirá para interactuar cos rapaces a través de diversos xogos, e compartirá co público a súa experiencia persoal no mundo da actuación, dando a coñecer máis profundamente a súa traxectoria profesional. Larralde protagonizou recentemente na serie Fariña o papel de Nieves, a primeira esposa que tivo Sito Miñanco.

“Os campamentos de teatro de Lugo xeran unha familia”

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...