InicioCulturaManuel María, o poeta que deixou a política polos versos

Manuel María, o poeta que deixou a política polos versos

O poeta da Terra Chá morría hai 16 anos.

PUBLICADA O

- Advertisement -

Este martes fanse 16 anos do falecemento de Manuel María. O escritor, académico e político lucense finaba na súa casa da Coruña a piques de facer 75 anos e deixando ás súas costas unha extensa traxectoria literaria e, sobre todo, poética. A vea lírica de Manuel María é xustamente a que hoxe lembran as ducias de tuiteiros que, aproveitando a súa efeméride, devolveron á lembranza algúns dos seus versos máis coñecidos.

María, nado en Outeiro de Rei en 1929, debuxou unha extensa traxectoria poética que non pode ser comprendida sen facer fincapé no seu talante político e socialmente comprometido. Nos últimos anos da ditadura xogou un papel activo na reorganización da oposición política clandestina, unha pulsión que o había de acompañar á democracia. En 1979 conseguiría ser concelleiro de Augas e Recollida do lixo de Monforte de Lemos da man da BN-PG, pero abandonaría a política logo de non conseguir chegar ó senado en 1982.

Ao longo da súa via cultivaría unha extensa obra poética –coñécenselle máis de 50 poemarios entre 1950 e os publicados postumamente- que tamén viría aderezada de traballos narrativos, unha ducia de obras teatrais e mesmo notables incursións no xénero do ensaio. Nos anos derradeiros do réxime franquista traduciría a obra Os Vellos non deben de namorarse, de Castelao, ao castelán.

ÚLTIMAS

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...

A 173 km/hora onde só se permite 80: un condutor é investigado en Lugo por exceso de velocidade

A Garda Civil investiga ao condutor dunha moto, de 45 anos de idade, por...

Morre un motorista tras chocar contra o peche dunha leira en Castro de Rei

Un motorista de 66 anos, JMCF, faleceu este mércores ao sufrir unha saída de...

Lugo medirá o ruído ambiente en tempo real durante o San Froilán

A xunta de goberno do Concello de Lugo autorizou este mércores a adquisición dun...