InicioComarca de MeiraO alcalde de Ribeira de Piquín urxe unha reunión con Sanidade pola...

O alcalde de Ribeira de Piquín urxe unha reunión con Sanidade pola falta de médico no centro de saúde

Afea ao Sergas que non contestara ao seus requerimentos e pide atender a unha "situación anormal" agravada pola dispersión da poboación e o seu envellecemento.

PUBLICADA O

- Advertisement -

O alcalde de Ribeira de Piquín, Roberto Fernández, apremou unareunión co conselleiro de Sanidade, Julio García Comesaña, para que explique a razón pola que se atopan en “moitas ocasións” sen médico no centro de saúde.

Ademais, avanzou que lle fará entrega de “as máis de cincocentas firmas” recollidas neste concello da montaña de Lugo, rubrícalas de “practicamente todos os veciños”, que expresan o seu “rexeitamento” a esta carencia. Fernández lembrou que levan “sen médico que atenda directamente desde o verán e empezamos o novo ano da mesma forma”.

“Aquí contamos cun médico cando coincide e non sabemos cando vai estar ou non. Non pedimos que se amplíe ningún servizo, simplemente pedimos que haxa médico diario en O Chao do Posadouro (capitalidade do municipio)”, reivindicou. O rexedor apelou a que “máis do cincuenta por cento da poboación do concello é maior de 65 anos e temos unha dispersión importante, con case corenta núcleos”.

Roberto Fernández subliñou que xa se comunicou esta situación ao SERGAS, que “non contesta”, afea, para a continuación insistir en manter esa reunión co conselleiro e entregarlle as firmas. “Queremos explicar a realidade que vivimos en Ribeira de Piquín e tamén dos concellos limítrofes. A situación é dramática e é unha situación anormal”, precisou.

Os veciños téñense que trasladar ao centro de saúde de Meira, e cando “o médico está en Ribeira de Piquín atópase sobresaturado e a atención vese rebaixada no tempo”.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...