InicioMedioambiente e PatrimonioSeis concellos da provincia contan con plans de emerxencia ante situacións de...

Seis concellos da provincia contan con plans de emerxencia ante situacións de seca

Está aberta unha nova convocatoria do programa de axudas da Xunta para desenvolver estes plans. O prazo para solicitarlas remata o 4 de xuño.

PUBLICADA O

- Advertisement -

Seis concellos da provincia de Lugo – Sober, Begonte, Ribadeo, Ribeira de Piquín, Portomarín e O Vicedo – elaboraron plans de emerxencia ante situacións de seca a partir dunha convocatoria de axudas polas que a Xunta de Galicia destinou un total de 73.300 euros nos últimos dous anos.

O delegado territorial de Lugo, Javier Arias, lembrou que actualmente está aberta unha nova convocatoria deste programa que xestiona a Consellería de Infraestruturas e Mobilidade a través de Augas de Galicia, e os concellos interesados teñen de prazo ata o vindeiro 4 de xuño para presentar as solicitudes.

Os municipios que accederon ás achegas o pasado ano, segundo informan nun comunicado, foron os de Sober e Begonte, que recibiron 14.000 euros en cada caso; Ribadeo (10.800 euros) e Ribeira de Piquín (14.500 euros). No 2019 recibiron axudas Portomarín e O Vicedo, por importes de 8.000 e 12.000 euros respectivamente.

Estes plans constitúen “os instrumentos básicos de planificación das administracións responsables dos sistemas de abastecemento á poboación para xestionar os episodios de
seca”, informa a Delegación Territorial. Entre outros aspectos, determinan cales son as zonas máis vulnerables en caso de seca e os usos da auga máis relevantes desde o punto de vista económico e social, coa identificación da poboación, dos condicionantes ambientais ou dos principais elementos do patrimonio natural e das actividades estratéxicas que se poderían ver afectados. Tamén indican as medidas de xestión que se adoptarán en caso de necesidade e a previsión dunha subministración alternativa ante situacións de escaseza.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...