A Garda Civil imputou como investigado por un suposto delito de malos tratos animais a un veciño da localidade lucense de Meira, por non coidar debidamente ao gando que tiña ao seu cargo nunha explotación gandeira.

Segundo informou a propia Benemérita nun comunicado, o sospeitoso, un home de 48 anos de idade, “supostamente realizaba prácticas inadecuadas no manexo do gando que se atopaba ao seu cargo”.

O trato cara aos animais da explotación gandeira era tan deficitario que os axentes que se fixeron caso da investigación consideraron o comportamento deste individuo como un posible delito de malos tratos animais. A persoa investigada foi posta a disposición xudicial.