O Presidente da Deputación de Lugo, José Tomé Roca, foi o pregoeiro da Feira do Queixo do Cebreiro que se celebrou o venres no Concello de Montaña.
O mandatario provincial valorou durante a súa intervención o traballo e bo facer dos produtores, os veciños e o Concello de Pedrafita do Cebreiro na recuperación do produto. Ademais, recalcou que este percorrido, “de estar en desaparición a consolidarse como un produto recoñecido na gastronomía internacional“, define “moi ben” todas as potencialidades que ten o rural lucense.
Tamén asegurou que estas localidades presentan gran cantidade de “ideas, proxectos e recursos”. Por conseguinte, estes lugares necesitan “políticas públicas” acertadas como é o caso da creación do Centro de Atención a Maiores Manuel Villasol, aberto en Pedrafita pola Deputación de Lugo en colaboración co Concello fai menos dun ano.
