A Garda Civil imputou en calidade de investigado a un veciño de Navia de Suarna de 72 anos de idade como presunto autor dun delito de incendio forestal por imprudencia grave nunha queima. Segundo informou o Instituto Armado, este lume ocorreu o pasado día 8 na parroquia de Rao-Santa María no municipio de Navia de Suarna e afectou a monte raso.
No marco da inspección ocular efectuada e confeccionado o informe técnico de causas, as mesmas fontes indicaron que se constatou que se orixinou “por unha imprudencia grave na queima de residuos agrícolas e forestais” por parte do presunto autor, ao incumprir “o preceptuado na lexislación sectorial da Comunidade Autónoma de Galicia e máxime cando ditas queimas están prohibidas” na autonomía galega de maneira temporal. As dilixencias policiais instruídas en relación con estes feitos foron remitidas ao Xulgado de Instrución número 2 de Becerreá.
