InicioAncaresAbanca premia a súa oficina de Baralla como a mellor da entidade...

Abanca premia a súa oficina de Baralla como a mellor da entidade financeira no rural galego

O conselleiro delegado de ABANCA puxo en valor "o servizo prestado aos clientes, con especial atención aos maiores".

PUBLICADA O

- Advertisement -

A oficina bancaria de Baralla vén de ser galardoada como a ‘Mellor Oficina Rural de ABANCA 2018- 2021’ despois de que o conselleiro delegado de ABANCA, Francisco Botas, entregara hoxe á oficina dita distinción. Segundo destacan dende a entidade bancaria, este premio recoñece o labor dunha oficina da que é cliente o 96,49% da poboación do concello e que “no pasado ano destacou en aspectos esenciais da calidade de atención e servizo, como son a experiencia de cliente e a satisfacción do cliente co seu xestor persoal”.

A entrega deste recoñecemento forma parte dunha xornada de traballo desenvolvida por ABANCA en Lugo como mostra do “compromiso” do banco cos seus clientes da provincia, na que é a entidade financeira líder tanto por cota de mercado como por número de oficinas.

O conselleiro delegado de ABANCA visitou catro das oficinas que o banco ten na provincia de Lugo: dúas urbanas e de gran dimensión (Oficina Principal e Praza de Santo Domingo, as dúas situadas en Lugo cidade) e outras dúas en concellos rurais de pequeno tamaño (Baralla e O Corgo, nos que ABANCA é a única entidade financeira con actividade).

Na súa visita, Francisco Botas intercambiou impresións co persoal sobre a actividade das oficinas, o servizo diario prestado aos clientes, con especial atención aos clientes maiores, e as prioridades do banco para os próximos meses.

ÚLTIMAS

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...

Enagás volverá presentar o hidroducto a Guitiriz a axudas europeas

Enagás reitera que o hidroducto Guitiriz-Zamora, que quedou fóra da lista de proxectos de interese...

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Lugo ten o billete sinxelo de bus máis barato (0,64) fronte ao máis caro, en Barcelona (2,4) , segundo Facua

O billete univiaxe ou sinxelo de bus urbano costa de media 1,25 euros en...