A Deputación presentou en Cervantes o proxecto que avalará a calidade do turismo científico na montaña lucense. Esta iniciativa enmarcada no Plan Estratéxico de Turismo da Provincia tomou forma en agosto, cando a autoridade provincial consignou 70.000 euros para a adxudicación do plan de certificación e desenvolvemento. A proposta definitiva para Os Ancares e O Courel abrangue 102.635 hectáreas, na que será a maior zona de estudo científico de Galicia.
A creación do ecosistema integrado consta de dúas fases, sendo a primeira a de certificación de calidade para o turismo científico, o selo Observer Turismo Científico. En Galicia, unicamente o Parque das Illas Atlánticas ostenta este distintivo. De aquí a decembro, expertos da Universidade de Santiago de Compostela, entidades do territorio e colectivos sociais auditarán os recursos científicos.
De acadar o aval, a Deputación procederá a implantar as dez accións de desenvolvemento das estruturas de turismo científico necesarias nos 16 concellos integrados: Navia de Suarna, Cervantes, Becerreá, As Nogais, Triacastela, Pedrafita do Cebreiro, Samos, O Incio, Folgoso do Courel, A Pobra do Brollón, Quiroga, Ribas de Sil, Baleira, Ribeira de Piquín, A Fonsagrada e Negueira de Muñiz.
O maior espazo natural de Galicia inclúe múltiples zonas de protección do medio ambiente, entre as que salientan a Reserva da Biosfera Os Ancares Lucesnses e Montes de Cervantes, Navia de Suarna e Becerreá; as zonas especiais de conservación ZEC Ancares-Courel e a Zona Especial de Protección para as Aves dos Ancares, ambas pertencentes á Rede Natura 2000; a Reserva Nacional de Caza e zona de Especial Protección do oso pardo e a declaración como Paraxe Pintoresco da Serra dos Ancares en Cervantes.
A estratexia de desenvolvemento contempla a creación dun grupo de traballo cos axentes claves do territorio, unha páxina web, o deseño dun catálogo divulgativo de bens de interese científico para este ecosistema, así como cinco itinerarios temáticos vencellados ao turismo científico –roteiros, conferencias e xornadas de bioloxía, micoloxía, xeoloxía ou botánica– e a creación dunha aplicación móbil.
Amais, desenvolverase unha programación anual de turismo científico, un seminario para empresas do sector sobre o mesmo, e un seminario de formación para guías e informadores turísticos.
Dende a Asociación Castiñeiro e Nogueira apoyamos esta iniciativa en pro do territorio, patrimonio natural, histórico, cultural e típico dos 16 concellos da Comarca Ancares Caurel, SEMPRE QUE NO QUEDE EN DECLARACIÓNS E PAPELES, como xa pasóu coa declaración Reserva da Biosfera, sin incidencia na conservación do patrimonio natural, típico e a paisaxe, sin medidas para combatir o feismo e políticas activas para fixar poboación nos dazaséis concellos Ancares Caurel, nos que a caída de poboación supera o 70% desde 1940, según o IGE.
Si na comarca de Os Ancares Lucenses se recoñece una caída do turismo de naturaleza, están cerrando establecementos de hostelería, antigas explotacions agrarias e o patrimonio histórico está en ruina ou abandonado e os ríos, soutos e montes sin limpar é, o que e peor, a xente sin esperanza…, dende CeN alertamos sobrer isto para que non volva ou siga pasando o meno e termine sendo un novo fracaso ambiental, cultural e do desenrolo sostible.
Os referentes a considerar para CeN son Francia, Suiza, Inglaterra, Cantabria, Asturias e Navarra, a modo de exemplo nos que mirarnos.