O incendio forestal declarado na tarde deste luns no municipio de Palas de Rei quedou extinguido este martes despois de queimar 35 hectáreas.

Segundo concretou a Consellería do Medio Rural, a superficie afectada ascendeu a 35 hectáreas, das cales 14 corresponden a monte arborado e 21 a raso.

O lume declarouse na parroquia de Pambre sobre as 19,18 horas deste luns após o que quedou controlado ás 00,27 horas deste martes até ser extinguido.

Para extinguir este incendio mobilizáronse cinco axentes, 13 brigadas, catro motobombas, unha pa e cinco helicópteros, sinalou Medio Rural.