Controlado o incendio forestal en Palas de Rei logo de queimar 180 hectáreas

O lume iniciouse ao redor das 5,30 horas na parroquia de Moredo e para o seu control mobilizáronse cinco axentes, 20 brigadas, seis motobombas, catro avións e catro helicópteros.

Bombeiros traballan para sufocar un incendio / arquivo

A Consellería do Medio Rural dá por controlado o incendio forestal rexistrado durante a madrugada deste domingo no concello lucense de Palas de Rei, cunha estimación provisional de superficie afectada que rolda as 180 hectáreas.

O lume iniciouse ao redor das 5,30 horas na parroquia de Moredo e para o seu control mobilizáronse cinco axentes, 20 brigadas, seis motobombas, catro avións e catro helicópteros.

A Consellería lembrou que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal. Ademais, existe un teléfono anónimo e gratuíto para denunciar calquera actividade delictuosa da que se teña sospeita ou coñecemento: 900 815 085.

DEIXAR UN COMENTARIO

Please enter your comment!
Please enter your name here