InicioSen categorizarO Concello de Lugo requerido pola xunta electoral tras unha denuncia...

O Concello de Lugo requerido pola xunta electoral tras unha denuncia de Ciudadanos

A xunta electoral insta os responsables dos perfís públicos do Concello de Lugo a que “se absteñan en diante de publicar a través das redes sociais os logros obtidos, a execución de obras e calquera outra actuación que poña en cuestión a súa obrigatoria neutralidade”.

PUBLICADA O


A Xunta Electoral de Zona de Lugo emitiu unha resolución na que lle require ao Concello da capital lucense, por mor dunha denuncia presentada polo grupo de Ciudadanos, que “de maneira inmediata” cumpra “estritamente o disposto” na lei e manteña nas súas redes sociais “unha escrupulosa neutralidade durante o período electoral”.
De feito, nesa mesma resolución, a xunta electoral insta os responsables dos perfís públicos do Concello de Lugo que “se absteñan en diante de publicar a través das redes sociais os logros obtidos, a execución de obras e calquera outra actuación que poña en cuestión a súa obrigatoria neutralidade”.
Así mesmo, nesa mesma resolución, a xunta electoral require á Policía Local para “de maneira inmediata elabore un informe sobre os asistentes” á visita que supostamente realizaron membros do goberno local de Lugo e do Partido Socialista á peonalización da Praza da Milagrosa. Ciudadanos denunciou unha suposta inauguración “encuberta” das obras de peonalización da praza, polo que a xunta electoral tamén lle pide á Policía Local que informe sobre “o órgano convocante e organizador” do acto, “a presenza de medios de comunicación e por quen foi convocados”.
+ posts

ÚLTIMAS

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...

Piden cinco anos de cárcere para unha moza por introducir droga no cárcere de Bonxe

A Audiencia Provincial de Lugo acolle este luns, 16 de novembro, unha vista preliminar...

Mercar no pequeno comercio de Lugo pode ter como premio un coche híbrido

Un coche híbrido é o premio que pode tocarlle a algún consumidor ou consumidora...

A Deputación de Lugo eleva o seu orzamento para 2027 ata os 155 millóns, case un 15 % máis que este ano

A Deputación de Lugo contará en 2027 cun orzamento de 155.241.120 euros, o máis...