O Club Deportivo Lugo empatou na súa visita a Cádiz (1-1). Os lucenses contaron coas novidadades no once titular do lateral dereito Eduard Campabadal, o lateral esquerdo Luis Ruiz, o mediocentro Sergio Gil, o mediapunta Juan Muñiz e o dianteiro Manu Barreiro. Barreiro xogou coma único dianteiro con Cristian Herrera e Toni Martínez coma suplentes. José Carlos Ramírez, lateral esquerdo nas recentes tres xornadas, foi titular coma central polas molestias na zona abdominal de “Josete” Malagón. Luis Ruiz non competía dende o 16 de decembro en Almería.

Os lucenses adiantáronse cun gol do compostelán Manu Barreiro no minuto 64, pero os gaditanos empataron cun golazo de Manu Vallejo no minuto 68.

Eduard Campabadal foi expulsado por doble tarxeta amarela no tempo engadido.

Arestora, o Lugo é decimoitavo con 32 puntos, 5 de marxe sobre o descenso trala derrota do Extremadura U.D. en Albacete (1-0).

Barreiro, fichado no mercado de xaneiro, estreouse co primeiro tanto coma dianteiro do club lucense.