A cidade de Lugo acollerá o sábado 23 de marzo o congreso do Partido Demócrata Europeo, segundo informou o candidato á Alcaldía da cidade de Compromiso por Galicia (CXG), Manuel Hurtado, de modo que está prevista a chegada dun centenar de políticos para participar nese foro.
En declaracións aos medios de comunicación, Furtado precisou que a celebración deste congreso en Lugo foi a iniciativa súa, para converter á cidade “nun espazo de reflexión sobre os retos aos que se enfronta Europa nunha xornada á que está previsto que asistan un centenar de políticos, entre os que se atopa o eurodeputado Antonio Marinho e Pinto, vicepresidente do partido”.
O propio Manuel Hurtado será o encargado de inaugurar este congreso, que será clausurado polo secretario xeral desta formación, Juan Carlos Piñeiro.
“En Compromiso por Galicia gústanos pasar das palabras aos feitos, por iso esta iniciativa serve de exemplo da nosa vontade para converter a Lugo” nunha cidade de destino para “o turismo” e para a celebración “de congresos”, dixo Hurtado
