A cidade de Lugo homenaxeou á exalcaldesa Paula Alvarellos co descubrimento dunha estatua na Praza Maior e nun acto con compañeiros de partido e familiares, entre outros.
O alcalde, Miguel Fernández, subliñou que con ela a cidade gardará “a memoria viva” da exrexedora. “Non como un recordo frío nin como xesto protocolario, senón como un acto de xustiza, de gratitude e tamén de compromiso colectivo”.
“Sabemos que a súa maneira de gobernar era a mesma coa que vivía: coa proximidade dunha amiga, coa empatía dunha muller xusta, coa honestidade de quen nunca se aparta dos seus principios”, aseverou.
Pola súa banda, Miguel Couto, autor da estatua — na que a exalcaldesa apareceda sentada nun banco no que hai un espazo libre para que a xente poida sentar –, subliñou que buscou representala, en base ao que lle transmitiron os seus achegados, “o mellor posible”. “Como era, unha persoa moi próxima á xente”.
O acto contou coa presenza, entre outros, de compañeiros de partido e da corporación municipal, entre eles o secretario xeral do PSdeG, José Ramón Gómez Besteiro e a edil da área de Muller e Igualdade, Anxos Novo, así como familiares, entre eles o seu marido que agradeceu este proxecto.
