- Advertisement -
O presidente da Deputación de Lugo, José Tomé, e empresarios abordaron alianzas estratéxicas entre Galicia e Uruguai, nun encontro en Montevideo. Segundo informa o organismo provincial, na rolda de encontros profúndase na cooperación en innovación loxística e tecnolóxica, ademais de coñecer de preto o modelo gandeiro uruguaio.
A delegación, encabezada por José Tomé, mantivo reunións con organismos públicos como o Instituto Nacional de Loxística e Uruguai XXI, centradas en impulsar a cooperación económica e o intercambio entre os dous territorios. Ademais, mantivéronse encontros coa Cámara Uruguaia de Tecnoloxías da Información e coa Xunta Departamental de Montevideo, “abrindo novas vías de colaboración”, engade a institución provincial.
