A Garda Civil imputa en calidade de investigado a un veciño do municipio de Sarria, de 46 anos de idade, como presunto autor dun delito de apropiación indebida por roubar un can do interior das instalacións da protectora de animais e plantas de Lugo. Os feitos teñen lugar durante a madrugada do pasado 7 de setembro, cando foi subtraído do interior das instalacións da protectora un can mestizo de mastín, identificado con microchip.
O servizo de protección da natureza da Garda civil iniciou unha investigación na que foi posible localizar ao indiviudo e recuperar ao animal subtraído, o cal foi posto a disposición da protectora, onde recibiu atención veterinaria e atópase en observación. As dilixencias policiais foron postas a disposición do Xulgado de Instrución de Sarria.
