Un peregrino de nacionalidade inglesa resultou ferido na tarde do domingo en Sarria despois de golpearse contra un cristal dun bar do municipio.

Os feitos sucederon ao redor das sobre as 18.44 horas, cando o home, en evidente estado de embriaguez, foi convidado a abandonar o establecemento, situado na rúa Diego Pazos, por estar a molestar aos clientes. Nese momento, propinou un cabezazo á porta do local, rompendo un cristal e sufrindo un profundo corte.

O propio persoal do bar alertou ao 112, o que mobilizou á Garda Civil e á Policía Local. Os axentes tiveron que intervir nun primeiro momento para prestar asistencia sanitaria ao home, que se atopaba moi alterado.