Adif licita o primeiro paso na renovación do ferrocarril Ourense-Lugo

- Advertisement -

Adif licitou o contrato de subministración e transporte de balasto para o ferrocarril entre Ourense e Lugo. Supón o primeiro paso para a renovación desta liña ferroviaria, pendente da redacción do proxecto de electrificación, a eliminación dos 36 pasos a nivel e a exposición pública dos estudos para as variantes de Os Peares e Rubián.

O Ministerio de Fomento salienta que o traslado da materia prima supón avanzar na mellora do treito existente, de cara a posibilitar un servizo de Alta Velocidade ata Lugo. O investimento na subministración de balasto, pendente da autorización do secretario de Estado de Infraestruturas, permitirá asentar o novo trazado da vía. O investimento acada os 12,5 millóns de euros, IVE incluído.

Dende o gabinete lembran que están en fase de redacción os proxectos de electrificación do treito Monforte-Lugo, duns 70 quilómetros. O incremento na potencia de tracción implicará a modernización do servizo de media distancia, así como a posibilidade de que unha unidade do tren AVE poida separarse na cidade das Burgas e chegar á capital lucense. A execución destas obras estaba prevista para 2021, mais o Goberno confía en rematar para 2020.

Tren Lugo-Madrid en menos de catro horas para 2020, un prazo realista?

Adif licita o primeiro paso na renovación do ferrocarril Ourense-Lugo

ÚLTIMAS

San Froilán 2025 amplía o seu cartel con novos artistas nacionais e internacionais

Un peregrino ebrio acaba ferido nun bar de Sarria tras romper un cristal coa cabeza

A Deputación de Lugo triplica o orzamento das axudas do programa ‘O que non arde’

O PP de Lugo acusa o goberno local de atrasar 214 días un expediente sancionador contra o Pub Las Palmeras