A Policía Local de Lugo detivo a un home de 42 anos de idade tras supostamente agredir á súa exparella cando se dispuña a entrar nun establecemento de lecer nocturno. Segundo informa o Concello, o corpo municipal foi requirido a través da sala do 092 para acudir a unha rúa do centro histórico porque, ao parecer, produciuse un episodio de violencia de xénero.
Unha vez alí, a muller manifestou á patrulla que, facía uns minutos, cando ía entrar nun establecemento, a súa exparella impedíralle a entrada e agarrado polos brazos, o pescozo e as pernas. Tras isto, conseguiu soltarse e chamar á Policía Local.
Os axentes identificaron ao presunto autor dos feitos, quen manifestou que mantivera unha discursión coa muller e que fora el quen sufriu a agresión. Con todo, os axentes procederon a deter a este home e trasladalo a dependencias policiais, onde se instrúen dilixencias por estes feitos. A muller foi conducida a un centro médico para poder recibir asistencia das lesións sufridas.
